१ ) ब्यक्तिगत सूचना पत्ता लगाउनु होस् – विदेशी संग विवाह गर्नु अघि नेपालीहरूले विदेशी केटा वा केटीको सम्पूर्ण ब्यक्तिगत सूचना पत्ता लगाउनु होस् ।  विदेशी केटा वा केटी अविवाहित हो वा होईन , सम्बन्ध विच्छेद भएको , छुट्टिई बसेको अवस्था  वा एकल हो होइन , रोजगारीको सम्पूर्ण विवरण , शैक्षिक योग्यता , जागिरको विवरण , सबै खोज्नु पर्दछ । विदेशीसंग विवाह गर्नु पर्दा कहिल्यै पनि गोप्य तरिकाले विवाह नर्गनु । विवाह हुन लागेको खबर सम्पूर्ण साथिभाई नातागोतालाई भन्नु होस् । तपाईले विवाह गर्न लागेको केटा वा केटीलाई तपाईको नातागोता साथी भाईले चिनेको हुन सक्छ र महत्वपूर्ण जानकारी तपाईले प्राप्त गर्नु हुनेछ  ।

२)  विदेशीको आर्थिक अवस्था पत्ता परिवारिक हैसियत पत्ता लगाउनु होस् – विवाह जस्तो कुरामा फोनमा कुरा गरेको आधारमा विवाह गर्ने सोच नबनाउनुस् । विदेशीको परिवार बुझेर भेटेर मात्र विवाहको फैसला गर्नु पर्दछ निजको परिवारको अन्य सदस्यको अथिक हैसियत र कुन ठाँउमा बसोबास गरेका हुन् सम्पूण विवरण खोज्नु पर्दछ । म्यारिज ब्युरो र बीचको मान्छेले भनेको आधारमा पूर्ण विश्वास गरी विवाह गर्नु हुदैन ।

३)  विदेशीको  भिसा पासर्पोट , भोटर कार्ड , सामाजिक सुरक्षा नम्बर समेत खोजेर लिनु पर्छ । अथवा स्कान गरेर विश्वासिलो साथिलाई दिनु पर्छ । विवहा गर्दा भनेको कुरा हरुको आपसमा चेक गर्नु होस् ।

४ )  जिल्ला अदालतमा गई अनिवार्य रुपमा विवाह दर्ता गर्नु – विवाह जीवनमा गरिने महत्वपूर्ण फैसला हो । विवाह गर्दा कहिल्यै हतारमा नगर्नु होला । विदेश जाने सोच बनाएर अथवा ग्रिनकार्ड पाउने उद्देश्यले नक्कली विवाहा गरी विवाह दर्ता गर्नु हुदैन । विवाह   दवाबमा गर्नु हुदैन  विदेशीसंग विवाह गर्दै हुनु हुन्छ भने  नेपालमा हो भने आफू बसोबास गरेको  जिल्ला अदालतमा गई अनिवार्य रुपमा विवाह दर्ता गर्नु पर्दछ । यदी तपाई विदेशमा हुनु हुन्छ भने सम्बन्धित राजदुतावासमा गई विवाह दर्ता गर्नु पर्दछ । विवाहा गर्दा खिचेको फोटो हरु सुरक्षित राख्नु पर्दछ ।

५  ) तपाई विदेशमा विवाह गरी जानु भएको छ भने तपाई विदेशमा जाने वित्तिकै आफू बसेको ठाउमा बैंक खाता खोल्नु होला । तपाइले बैंक खाता खोलेको खण्डमा अप्ठारो परेको अवस्थामा उक्त जम्मा गरेको पैसा तपाईले उपभोग गर्न सक्नु हुनेछ । विदेशी कानून पढ्नु , महिला हिंसामा परेको अवस्थामा के गर्ने कुन ठाँऊमा जाने सबै बिचार गर्नु पर्दछ । तपाई विदेश गए पछि त्यँहा रहेका  आफन्तहरु  संग सम्पर्कमा रहनुस् । सकेसम्म आफू बसोबास गरेको ठाँउको भाषा सिक्नु होस् ।